மீண்டும் Shero கதைகளில் ஜோ!
கதாநாயகிக்கு முக்கியத்துவம் உள்ள படங்களில் நடிகை ஜோதிகா நடித்து வருகிறார். மலையாளத்தில் மம்முட்டி ஜோடியாக ‘காதல்: தி கோர்’ என்ற படத்தில் நடித்து முடித்த ஜோதிகா, இந்தியில் ‘ஸ்ரீ’ என்ற பெயரில் தயாராகும் படத்தில் ராஜ்குமார் ராவுடன் நடிக்கிறார்.
இந்நிலையில் இந்தியில் ‘தாபா கார்டல்’ என்ற பெயரில் உருவாகும் வெப் தொடரில் நடிக்கவுள்ளதாக தகவல் வெளியாகியுள்ளது. இந்த தொடர் தமிழ், தெலுங்கு, மலையாளம், கன்னட மொழிகளிலும் வெளியாக இருக்கிறது. இதில் ஜோதிகாவுடன் பிரபல இந்தி நடிகை ஷபானா ஆஸ்மி, இந்தி நடிகர் சுஜ்ராஜ் ராவ் ஆகியோரும் நடிக்கின்றனர். ஐந்து குடும்ப பெண்களை மையமாக வைத்து இந்த தொடர் தயாராகவுள்ளதாக தகவல் தெரிவிக்கின்றன.
