கூகுள் டூடுல் செலபிரிட்டி யார் தெரியுமா?

இன்றைய கூகுள் டூடுளில் இடம் பெற்றிருப்பவர் இந்திய உயிர் வேதியியலாளர் டாக்டர் கமலா சோஹோனி. இவரது 112 வது பிறந்த நாளை ஒட்டி, அதைக் கொண்டாடும் விதமாகத்தான் அவரை கூகுள் டூடுல் வெளியிட்டு கவுரவித்துள்ளது.

யார் இந்த கமலா சோஹோனி

ஊட்டச்சத்து குறைபாடுள்ள குழந்தைகள் மற்றும் கர்ப்பிணிப் பெண்களின் ஆரோக்கியத்தை மேம்படுத்துவதாக உழைத்து சாதனை படைத்தவர்தான் கமலா சோஹோனி. விஞ்ஞானத் துறைகளில் இந்தியப் பெண்கள் குறைவாகக் குறிப்பிடப்பட்ட காலத்திலேயே அத்துறையில் பி.எச்.டி பட்டம் பெற்ற முதல் இந்தியப் பெண் என்ற பெருமையைப் பெற்றவர். ஒரு பெண்ணாக அவர் சமூகத்தில் பல்வேறு கட்டத் தடைகளை உடைத்து ஜெயித்துக் காட்டியவர். சந்தேகங்களை தவறாக நிரூபிப்பதன் மூலம் டாக்டர் சோஹோனி தனது உயிர் வேதியியல் துறையில் முன்னோடியாக பணியாற்றினார். அதுமட்டுமல்லாமல் எதிர்கால இந்திய பெண்களுக்கு நிகரான சார்புகளை சமாளிக்கும் திறமையும் அவரிடம் இருந்தது. பெண்கள், அவர்களின் கனவுகளைத் தொடரவும் ஒரு பாதையை உருவாக்க உதவியாக இருந்தவர் கமலா.

குடும்பப் பின்னணி என்ன?

1911 ஆம் ஆண்டில் மத்திய பிரதேசத்தின் இந்தூரில் வேதியியலாளர்களாக இருந்த பெற்றோருக்கு பிறந்தார். தனது தந்தையின் மற்றும் மாமாவின் அடிச்சுவடுகளைப் பின்பற்ற விரும்பிய அவர், பம்பாய் பல்கலைக்கழகத்தில் வேதியியல் மற்றும் இயற்பியல் பயின்றார். 1933 இல் தனது வகுப்பில் முதலிடம் பெற்றார். இந்திய அறிவியல் நிறுவனமான ஐ.ஐ.எஸ்.சி-யில் சேர்க்கப்பட்ட முதல் பெண்மணி என்ற பெருமையும் டாக்டர் கமலாவையே சாரும். அப்போதைய ஐஐஎஸ்சி இயக்குனர் விஞ்ஞானத்தில் பெண்களின் பங்கேற்பையும், திறனையும் சந்தேகித்தார். அவருக்கு பதிலடி தரும் விதமாக தனது திறமையை பல்வேறு கட்டங்களில் கமலா நிரூபித்ததால், அவரது ஆராய்ச்சியைத் தொடர அனுமதி வழங்கப்பட்டது.

மாற்றம் கொண்டு வந்த மங்கை

உண்மையில், தன் திறனை முதலில் சந்தேகித்த இயக்குனரை மிகவும் கவர்ந்தார் கமலா. கமலாவைத் தொடர்ந்து, ஐ.ஐ.எஸ்.சி தனது திட்டத்தில் அதிகமான பெண்களை ஏற்றுக்கொள்ளத் தொடங்கியது. பருப்பு வகைகளில் காணப்படும் பல்வேறு புரதங்களைப் படித்து அவை குழந்தைகளில் ஊட்டச்சத்தை எவ்வாறு அதிகரிக்கின்றன என்று கண்டறிந்தார். குழந்தைகளுக்கான ஊட்டச்சத்து தொடர்பாக 1936 ஆம் ஆண்டில், ஆய்வறிக்கையை வெளியிட்டு தனது முதுகலைப் பட்டம் பெற்றார்.

ஆற்றல் உற்பத்தி நொதி

முதுகலை பெற்ற ஓராண்டில் கேம்பிரிட்ஜ் பல்கலைக்கழகத்தில் ஆராய்ச்சி உதவித்தொகை பெற்றார் சைட்டோக்ரோம் சி என்பது ஆற்றல் உற்பத்திக்கு முக்கியமான ஒரு நொதி என்பதைக் கண்டுபிடித்தார், மேலும் இது அனைத்து தாவர உயிரணுக்களிலும் இருப்பதையும் கண்டறிந்தார். வெறும் 14 மாதங்களில், இந்த கண்டுபிடிப்பு குறித்த தனது ஆய்வறிக்கையை முடித்து, பி.எச்.டி. வென்றார். இந்தியாவுக்குத் திரும்பியபோது, டாக்டர் சோஹோனி சில உணவுகளின் நன்மைகளைத் தொடர்ந்து படித்து பனையில் இருந்து கிடைக்கும் மலிவு உணவை உருவாக்க உதவினார்.

நீரா கண்டுபிடித்தவர்

நீரா எனப்படும் இந்த சத்தான பானம் வைட்டமின் சி இன் நல்ல மூலமாகும், மேலும் ஊட்டச்சத்து குறைபாடுள்ள குழந்தைகள் மற்றும் கர்ப்பிணிப் பெண்களின் ஆரோக்கியத்தை மேம்படுத்துவதாக இது நிரூபிக்கப்பட்டுள்ளது. டாக்டர் சோஹோனிக்கு நீரா குறித்த பணிக்காக ராஷ்டிரபதி விருதும் வழங்கப்பட்டது. பம்பாயில் உள்ள ராயல் இன்ஸ்டிடியூட் ஆப் சயின்ஸின் முதல் பெண் இயக்குநராகவும் ஆன பெருமையையும் பெற்றுவிட்ட டாக்டர் கமலா சோஹானியின் 112-வது பிறந்தநாளில் அவரது சாதனையை நினைவுகூறுவதில் பெருமை கொள்கிறது த காரிகை.